Sa kohë qëndroni në palestër dhe a ka një kohë ideale që kalojmë në stërvitje?
Sa kohë duhet t’i kushtojmë ushtrimeve?
Sipas udhëzimeve të Organizatës Botërore të Shëndetësisë, njerëzit duhet të synojnë të ushtrojnë 30 minuta pesë herë në javë ose gjithsej 150 minuta në javë për të qëndruar në formë, transmeton Telegrafi.
Niveli i kondicionit mund të ndikojë në sasinë e nevojshme për të ushtruar.
Sasia e kohës që mund të kaloni në palestër pa u lënduar mund të varet nga niveli juaj i kondicionit.
Nëse sapo keni filluar të ushtroheni, rekomandohet që të filloni të bëni rreth 30 minuta ushtrime kardiovaskulare në palestër dhe ndërsa filloni të forcoheni, ngadalë shtoni më shumë kohë.
Zgjedhja e ushtrimit ndikon edhe në kohën
Lloji i ushtrimeve që zgjidhni mund të diktojë sasinë e kohës që duhet t’i kushtoni palestrës. Ju mund të jeni në gjendje të kaloni një orë joga relaksuese, por stërvitja me intensitet të lartë (HIIT) për një orë është një lloj ushtrimi krejtësisht i ndryshëm.
Nëse preferoni ushtrime me ritëm më të shpejtë, HIIT është një zgjedhje e shkëlqyer sepse do t’ju ndihmojë të humbni yndyrën më shpejt sesa, të themi, Pilates.
Frekuenca e stërvitjes
Disa njerëz preferojnë të shkojnë në palestër çdo ditë, ndërsa të tjerë preferojnë të shkojnë disa herë në javë dhe kjo mund t’ju ndihmojë të vendosni se sa kohë duhet të kaloni duke ushtruar.
Qendrat për Kontrollin dhe Parandalimin e Sëmundjeve (CDC) rekomandojnë 150 minuta aktivitet fizik në javë për shëndetin e përgjithshëm./FolDrejt/
