Prodhuesi amerikan i automjeteve Ford njoftoi të enjten se ka arritur marrëveshje me dy kompani në Azi për avancimin e prodhimit të nikelit për ta bërë më të përballueshëm prodhimin e baterive të automjeteve elektrike.
Projekti tredimensional i nikelit, i cili u arrit me kompanitë PT Vale Indonesia Tbk dhe atë kineze Zhejiang Huayou Cobalt Co., synon të prodhojë deri në 120 kilotonë nikel në vit në formën e “precipitatit të përzier hidroksid”, që është një produkt i nikelit me kosto më të ulët, shkruan AA, përcjell Fol Drejt.
Operacionet komerciale pritet të fillojnë në vitin 2026 ndërsa prodhuesit e automjeteve i bashkohen garës për një zhvendosje të shpejtë kah automjetet elektrike.
Marrëveshja synon të përmirësojë industrinë e prodhimit të automjeteve elektrike në Indonezi dhe të mbështesë planin e Ford-it për të ofruar dy milionë automjete elektrike deri në fund të vitit 2026.
“Kjo kornizë i jep Ford-it kontroll të drejtpërdrejtë për të marrë nikelin që na nevojitet, me kosto më të ulët të industrisë dhe na lejon të sigurojmë që nikeli të jetë minuar në përputhje me objektivat e qëndrueshmërisë së kompanisë sonë”, tha Lisa Drake, zëvendëspresidente e Ford Model të Industrializimit të automjeteve elektrike.
Sipas Agjencisë Ndërkombëtare të Energjisë, nikeli, një nga mineralet kritike, së bashku me bakrin, litiumin dhe kobaltin, konsiderohet si një element i rrallë i tokës dhe konsiderohet si një komponent thelbësor në shumë teknologji të energjisë së pastër me rritje të shpejtë, nga turbinat e erës deri te automjetet elektrike./FolDrejt/
