Një burrë i shtrirë buzë rrugës, me duart e lidhura pas shpine dhe i ekzekutuar me një plumb në kokë, ishte vetëm njëri nga qindra banorët vendas që autoritetet ukrainase thonë se u gjetën të vdekur, pas tërheqjes së trupave ruse në Bucha, shkruan Reuters, transmeton Fol Drejt.
Nënkryetari i bashkisë së Bucha-s, Taras Shapravskyi, tha se 50 nga banorët e vdekur, të gjetur pasi forcat ruse u tërhoqën nga qyteti në fund të javës së kaluar, ishin viktima të vrasjeve pa gjyq, të kryera nga trupat ruse. Për këtë shigjetat janë drejtuar nga Moska zyrtare, e cila po akuzohet për krime lufte.
Tre trupa të parë nga reporterët e Reuters të dielën kishin duar të lidhura, ndërsa dy të tjerë që nuk kishin duar të lidhura, kishin shenja të plumbave në kokë, në përputhje me atë që kryebashkiaku i Bucha-s Anatoliy Fedoruk dhe zëvendësi i tij përshkruan si: ekzekutime.
Në të tre rastet, nuk kishte shenja të ndonjë lëndimi tjetër të rëndësishëm në pjesë të tjera të trupit. Të tre personat e qëlluar në kokë ishin meshkuj dhe të tre ishin të veshur me rroba civile.
Russian army left Ukrainian town of Bucha after having executed probably hundreds of civilians. Bodies are laying around with hands tied. I have questions to Scholz, Merkel, Steinmeier, Maas, Baerbock, Lambrecht, Gabriel, Platzeck and others. pic.twitter.com/nfkEqvqAeU
— Sergej Sumlenny (@sumlenny) April 2, 2022
Nëri nga viktimat e ekzekutuara në fytyrë kishte shenja djegieje. Shenja të tilla mund të nënkuptojnë se një person është qëlluar nga një distancë e afërt.
Pëlhura e përdorur për të lidhur duart e burrit dukej se ishte një shirit i bardhë në krah. U mësua se trupat ruse ndërsa ishin në Bucha, kërkuan që banorët vendas të mbanin shiritat për t’u identifikuar.
“Gjatë kohës që forcat e armatosura ruse ishin në kontroll të këtij vendbanimi, asnjë banor i vetëm vendas nuk pësoi ndonjë veprim të dhunshëm” – u tha nga ministria ruse e mbrojtjes.
Për më shumë, sipas ministrisë, përpara se të tërhiqeshin trupat, u dërguan 452 tonë ndihma humanitare për civilët rreth rajonit të Kievit.
Shapravskyi, nënkryetari i bashkisë, tha se rreth 300 njerëz u gjetën të vdekur pas tërheqjes ruse. Prej tyre, ai tha se zyrtarët deri më tani kanë regjistruar 50 si ekzekutime të kryera nga forcat ruse. Reuters nuk mundi të verifikonte në mënyrë të pavarur këto shifra.
Të tjerët ose u vranë nga zjarri i kryqëzuar, ose vdekja e tyre është deri më tani e pashpjegueshme.
Një zyrtar ukrainas citohet të ketë thënë se “Rusët kanë demonstruar se po vrisnin civilë me vetëdije.” /FolDrejt/
