Vrasja e fundit e një muslimani në Albuquerque të Shteteve të Bashkuara të Amerikës (ShBA), ka çuar në katër numrin e viktimave të këtij komuniteti, brenda një kohe të shkurtër, shkruan Fol Drejt.
Sipas CNN, të tre burrat besohet të kenë rënë në prit dhe se vrasja e tyre ka qenë e qëllimshme.
Vrasjet e Mohammad Ahmadi, 62, Muhammad Afzaal Hussain, 27, Aftab Hussein, 41, dhe Naeem Hussain, 25, kanë të gjitha një të përbashkët: viktimat ishin të gjitha muslimanë dhe me origjinë nga Azia Jugore, sipas policisë së Albuquerque.
Një nga katër burrat e vrarë që mund të ketë lidhje edhe me në vrasjet e tjera, kujtohet si “shërbëtor i shkëlqyer publik”.
Vrasja e fundit, bashkë me të tjerat, ndodhën brenda harkut kohor prej dy javësh, duke e vënë alarmin në qytet, ndërsa policia po hetonte për lidhje të mundshme midis sulmeve dhe duke vënë në qendër të vëmendjes një vrasje të pazbardhur nga nëntori 2021.
“Ndërsa ne jemi ende duke shqyrtuar të gjitha provat për të kërkuar më shumë lidhje, është thellësisht shqetësuese që këta tre burra ishin muslimanë dhe me prejardhje të ngjashme,” tha zëvendës komandanti i Divizionit të Hetimeve Kriminale të Departamentit të Policisë Albuquerque, Kyle Hartsock.
FBI po ndihmon me hetimin dhe një portal në internet u krijua për banorët për të ngarkuar video dhe imazhe që mund të ndihmojnë autoritetet që të hetojnë vrasjet. Bordi lokal i ndalimit të krimit ka votuar gjithashtu për të rritur një shpërblim për informacionin që çon në arrestim në 20,000 dollarë.
Policia nuk ka dalë me ndonjë përshkrim të një të dyshuari apo të dyshuari për vrasjet. Megjithatë, ata kanë thënë se po kërkojnë “një automjet “, i cili mund të lidhet me katër vrasjet. Automjeti është një Volkswagen Jetta ose Passat i llojit Sedan në ngjyrë argjendi të errët me xhama të lyer. Deri më tani, nuk ka ndonjë zhvillim konkret.
Për vrasjet ka reaguar edhe Presidenti Joe Biden, i cili e dënoi vrasjen e tyre si dhe kërkoi që sa më shpejt të zbardhen rastet./FolDrejt/
