Një shofer në një zonë të Galipsos së Kavalas në Greqi, ka shkaktuar një aksident të rëndë duke i lënë të vdekur tre persona.
Sipas raportimeve të mediave greke, një veturë ka dalë nga rruga duke marrë përpara një automjet tjetër dhe duke i goditur edhe disa këmbësorë, transmeton Fol Drejt.
Më saktë vetura pasi ka dalë nga rruga me shpejtësi, ka goditur një tjetër dhe të dyja bashkë kanë rënë mbi një kamion që po furnizonte një dyqan.
Përplasja ka qenë aq e rëndë sa drejtuesi i makinës së parë, një pasagjer dhe një këmbësor kanë mbetur të vdekur në vend. Pas përplasjes automjetet janë përfshirë nga zjarri.
Policia dhe zjarrfikësit kanë dalë në vendin e ngjarjes./FolDrejt/
