Një imam nga Gjilani ka ndarë një histori interesante me ndjekësit e tij në rrjetin social Facebook. Ai i ka publikuar disa pamje të një fletoreje të një plaku (xhemat i hoxhës), i cili ndonëse i shtyrë në moshë, duket se ka një bukurshkrim për t’u admiruar, shkruan Fol Drejt.
Rushit Zylfiu ka treguar se i moshuari i ka rrëfyer se ai i ka vetëm 8 vite shkollim, edhe atë të natës.
Për më shumë, lexojeni historinë:
FLETORJA E NJË XHEMATLIU TË KËTIJ ZEMANI!
Dje më erdh një xhematli i moshuar që me vete e kishte një fletore personale.
Hoxhë: “ Që 5 vite të gjitha lutjet, dhikrin (përmendjen e Zotit e shënoj sa herë i bëjë në fletore, si raport ditor dhe mujor). Erdha me të pyet, a mos po bëjë gjynah, a është mirë apo jo, që po veproj kështu. Fillova ta hapi fletorën dhe më habiti bukurshkrimi i tij dhe fillojë biseda të bëhej edhe më e këndëshme mes te.
E pyeta; Sa vjet i ke shkollë?
Tha: 8 vjet mas darke ( shkollë e natës kur kam shku te dajt, shkojsha ka pak).
I thash: Po ti e ke shkrimin më të mirë se një që ka fakultet. Nga modestia nuk e pranoj edhe aq lehtë.
I thash Po me mosh sa je? 82 vjet .
I thash; Ti vetëm vazhdo, Allahu të dhuroftë shëndet. Kjo fletore u bëftë dëshmi për ty para Zotit dhe inshallAlla mbetet vakuf për pasardhësit e tu.
• Vëllezër; e postova këtë shkrim të pajisur edhe me pjesë nga fletorja e tij që të jetë motiv për ne dhe ta pyesim vetën ku jemi ne me këto adhurime.
Zot, na fal dhe na udhëzo!
Dëshmitari: R.Zylfiu
