Një 52 vjeçar nga Britania, bashkë me fëmijët e tij 9 dhe 11 vjeç, u sulmuan befas nga një tufë prej 15 qensh në Sousaki të Korinthias së Greqisë.
Daily Mail raportoi se ngjarja ka ndodhur më 13 gusht, me ç’rast viktimat kanë pësuar lëndime serioze, transmeton Fol Drejt.
“Ne kishim ecur një kilometër në shtegun turistik përpara se qentë të na afroheshin. Reagimi im i parë ishte t’iu dilja ballë a tyre dhe t’i mbroja fëmijët” – ka rrëfyer babai i plagosur.
“Në duar mbaja vetëm një çantë shpine me shishet e ujit të fëmijëve. E përdora për të ndaluar qentë derisa më kafshuan dorën aq fort sa më hodhën nga dora. Më pas më rrëzuan në tokë dhe filluan të kafshojnë” – ka vijuar ai rrëfimin duke shtuar se në ato momente kishte menduar se do të vdiste.
“Vazhdova të pyesja veten: “Si mund të përfundojë kjo? Kam humbur vullnetin për të jetuar. Më dukej sikur nuk kisha forcë”.
Pasi ia kishte dalë t’i përballonte disi, tufa ua kishte mësyrë fëmijëve. 11 vjeçarja Roxy dhe 9 vjeçari Danny u plagosën në këmbë dhe bel, ndërsa fëmija e tretë, Tedi, kishte shpëtuar për fat.
52 vjeçari rrëfeu se si kur pa fëmijët e tij të sulmoheshin nga kjo tufë qensh, i kishte mbledhur të gjitha forcat dhe kishte arritur t’i shpëtonte.
“Ajo skenë më dha një lloj fuqie hyjnore ”, tha 52-vjeçari.
Stamatis Kapatianos me gjithë forcën që i kishte mbetur ndoqi tufën e qenve të egër dhe mundi t’i trembte. Më pas, të katër kanë arritur të hipin me shpejtësi në automjetin e tyre dhe të largohen nga vendi i ngjarjes.
Me njërën dorë kishte arritur t’i çonte në spital, atje ata kishin marrë ndihmën mjekësore, ndërsa 52 veçari i ishte nënshtruar një operacioni disa orësh. Ai dhe gruaja e tij tashmë kanë ngritur një padi./FolDrejt/
