Profesori dhe shkencëtari Halil Ibrahimi nga Universiteti i Prishtinës, është bërë pjesë e Bordit Editorial të revistës shkencore “Biodiversity Data Jurnal”, shkruan Fol Drejt.
Lajmin për këtë arritje e ka bërë të ditur ai vetë, nëpërmjet një postimi në llogarinë e tij në rrjetin social Facebook.
“Halil Ibrahimi është profesor ordinar në Universitetin e Prishtinës, Kosovë. Ai sapo u bashkua me bordin redaktues të Biodiversity Data Journal si redaktor i subjektit për rendin e insekteve ujore të Trichoptera.
Aktualisht Halil Ibrahimi studion ekologjinë dhe taksonominë e mizave të Ballkanit, Lindjes së Mesme dhe Afrikës Veriore, nga ku së fundmi ka përshkruar disa lloje të reja.
“Jam i nderuar që jam pjesë e ekipit redaktues të Revistës së të Dhënave të Biodiversitetit dhe do të jap maksimumin tim për të mbështetur procesin e publikimeve cilësore të të dhënave të biodiversitetit në këtë revistë”, thotë Ibrahimi” – thuhet në njoftimin zyrtar të revistës.
Përndryshe “Biodiversity Data Jurnal” (BDJ) është një platformë gjithëpërfshirëse online, e mbikëqyrur nga komuniteti i shkencëtarëve, me akses të hapur, e krijuar për të përshpejtuar publikimin, shpërndarjen e të dhënave të çdo lloji lidhur me biodiversitetin./FolDrejt/
