Lajmi për vrasjen e 19 nxënësve dhe 2 mësuesve në një shkollë fillore në Teksas, ka shokuar botën, shkruan Fol Drejt.
E tërë vëmendja është përqendruar atje, ndërsa familjarët ua kanë dhënë lamtumirën e fundit, fëmijëve të gjorë.
Sipas raportimeve, viktimat e para të një 18 vjeçari të shkalluar, identiteti i të cilit u bë i njohur menjëherë, ishin disa nxënës.
Dy djem të moshës 9 dhe 10 vjeç dhe një vajzë 10 vjeçare u identifikuan si fëmijët e parë viktima të masakrës në shkollën fillore në Teksas, ku u vranë gjithsej 19 nxënës të rinj nga 18-vjeçari Salvador Ramos.
Me kalimin e orëve, familjet gradualisht shpallin identitetin e viktimave.
Xavier Lopez, një 10-vjeçar në klasën e katërt, është një nga fëmijët e parë që u identifikua.
10-vjeçari mori Certifikatë Nderi pak orë para se shkolla e tij të sulmohej me armë nga 18-vjeçari Salvador Ramos.
Vetëm pak ditë para përfundimit të vitit të fundit të shkollës fillore, Xavier po numëronte ditët derisa të kalonte zyrtarisht në shkollë të mesme.
Një anëtar i familjes ka krijuar një llogari në GoFundMe për të ndihmuar prindërit e tij të mbledhin para për funeralin. Familja kishte mbledhur më shumë se 24,000 dollarë deri të martën mbrëma
Familja e 9-vjeçarit Uziya Garcia tha gjithashtu se ai u vra me armë zjarri.
“Sot është qëlluar nipi im në shkollë”, ka shkruar xhaxhai i tij në Facebook, duke theksuar se vogëlushi është vrarë nga një i çmendur.
Makena Lee Elrond, gjithashtu 10 vjeç, është fëmija i tretë që u identifikua e vdekur, sipas një miku të familjes.
Pak orë më parë, babai kishte shprehur frikën se vajza e tij e vogël mund të mos ishte gjallë.
Një baba i jep lamtumirën vajzës së tij: “E ëmbla Makena, po prehet në paqe. Zemra ime është thyer.”
Ndërkohë familjet e studentëve të zhdukur vazhdojnë të postojnë foto në rrjetet sociale me shpresën për gjetjen e tyre.
“Dashuria ime e vogël fluturon në qiell”
Fëmija i katërt që u shpall i vdekur është Ameri Joe Garcia.
Në një mesazh prekës babai i saj ka shkruar se “dashuria e tij e vogël fluturon në qiell”.
“Mos merrni asgjë si të mirëqenë. Përqafoni familjen tuaj. Thuaju atyre se i do,” thotë ai.
Eliana Torres, 10 vjeç, gjithashtu u konfirmua si viktimë në një postim në Facebook. Steven Garcia dhe Jennifer Lugo njoftuan vajza e tyre, Eli, u vra në masakër. Ajo vdiq duke u përpjekur të mbronte studentët e saj.
Eva Mireles shkoi në punë dhe nuk u kthye më, bashkëshorti i saj po heton masakrën.
Eva Mireles shkoi në punën që donte dje: ajo ishte mësuese e klasës së katërt në shkollën fillore Rob në qytetin e vogël të Uvalde, Teksas.
Qyteti Ovalde, rreth 130 milje në perëndim të San Antonios, ka rreth 16,000 banorë të përhershëm, gati 80 për qind e të cilëve janë me origjinë nga Amerika Latine, sipas Regjistrimit më të fundit të SHBA.
Nga hetimet e para u tha se, motivet të cilat duket se e kanë shtyrë 18 vjeçarin këtë krim mizor, kanë të bëjnë me urrejtjen racore./FolDrejt/
