Një aksident i rëndë komunikacioni ka ndodhur dje në orët e paradites, në rrugën nacionale Podujevë – Prishtinë, transmeton Fol Drejt.
Sipas të dhënave zyrtare, në këtë aksident kanë qenë të përfshira tri vetura me targa vendore.
“Si pasojë e aksidentit dy meshkuj kosovarë kanë vdekur në vendin e ngjarjes dhe një tjetër gjatë trajtimit në QKUK, ndërsa lëndime trupore kanë pësuar edhe 8 persona tjerë meshkuj, 7 prej tyre kosovarë dhe një shtetas i Austrisë” – thuhet ndër të tjera në raport.
Raporti shpjegon më tej se si të lënduarit i janë nënshtruar tretmanit mjekësor. Veç njësive policore dhe ndihmës së shpejt, sipas raportit, në vendngjarje ka dalë edhe prokurori i shtetit.
Me urdhër të tij trupat e pajetë të viktimave janë dërguar në Institutin e Mjekësisë Ligjore (IML), për obduksion.
Në raport, nuk përmenden detaje të tjera./FolDrejt/
