Zëvendëskryeministri australian Barnaby Joyce deklaroi se vendimi i aktores amerikane Amber Heard për të quajtur qenin e saj si ai i kishte shkaktuar një ndjenjë arritjeje. Ajo veproi në këtë mënyrë për shkak të një debati që kishte pasur me politikanin në lidhje me rregullat e karantinës që kishte thyer duke udhëtuar së bashku me qentë e saj. Në vitin 2015 aktorja udhëtoi me qentë drejt Australisë për të vizituar burrin e saj, aktorin amerikan Johnny Depp që po xhironte skenat e filmit “Piratët e Karaibeve”.
Autoritetet i dhanë disa ditë kohë çiftit që të largonin qentë ose qentë do të vriteshin raporton “BBC”. Në atë kohë zoti Joyce që mbante detyrën e Ministrit të Bujqësisë deklaroi që qentë duhet të ktheheshin në SHBA ose rrezikonin që të vriteshin. Aktori Johnny Depp i’u përgjigj deklaratës së zëvendëskryeministrit duke e përshkruar atë si një burrë të shëndoshë dhe të djersitur nga Australia.
Të dielën aktorja Amber Heard që është divorcuar nga Deep prezantoi qenin në llogarinë e saj në Twitter. Zëvendëskryeministri i tha gazetës “The Australian” se nuk e shqetësonte fakti që aktorja i vendosi emrin e tij qenit dhe që nuk kishte probleme me kafshët. Ai deklaroi se i shkaktonte një ndjesi arritjeje që ishte në mendjen e saj edhe pas shumë viteve që ai e kishte harruar atë.
Zëvendëskryeministri shtoi gjatë deklaratës së tij se e vlerëson më shumë aktoren sesa Johny Deep tani. Në vitin 2016 zonja Amber Heard u deklarua fajtore për bërjen e një deklarate të rreme në kartën e saj të imigrimit në lidhje me qentë e saj duke mos i deklaruar ata kur çifti fluturoi në shtetin Queensland-it me avion privat. Gjykata e dënoi aktoren me një muaj dënim me kusht.
Çifti në lidhje me ngjarjen publikojë një video kur kërkonin falje dhe këshillonin udhëtarët që të respektonin ligjet e karantinës australiane. Australia ka ligje strikte të karantinës për kafshët në mënyrë që të parandalojë infeksionet. / abcnews.al
