Arti i Shtatë e thithë nektarin nga letërsia. Ky nuk është një zbulim. Por kjo e fundit në kohët moderne ka mbërritur të mbijetojë duke bashkëjetuar pikërisht me filmin. Andaj kur bëhet fjalë për vepra filmike që për temë kanë pasur jetën e ndonjë shkrimtari, lista mund të bëhet e gjatë dhe e larmishme. Po për sa u përket jetës së gazetarëve? Një herë tjetër do ta mendojmë një fjali më të mençur për ta përshkruar raportin e tyre me kinematografinë.
Nga Fol Drejt
Të jeni të vëmendshëm, në një listë ku nuk mungojnë filmat si: Spotlight (2015) dhe Trumbo (2015); kurrë nuk përbënë sugjerim që duhet hedhur përtokë.
I pari ka për kastë aktorësh, emra të shquar si Mark Ruffalo, Michael Keaton, Rachel McAdams, Liev Schreiber etj. Skenari është shkruar nga McCarthy dhe Josh Singer. Për temë ka skandalin e përmasave ndërkombëtare, abuzimet seksuale me të miturit nëpër kisha. Është një dramë drithëruese, emocionale, e mbështetur në një histori të vërtetë.
Trumbo ndërkaq i kushtohet skenaristit të famshëm Dalton Trumbo, i luajtur mrekullisht nga aktori Bryan Cranston. Ai ishte dënuar nga Holliwood-y për shkak të pikëpamjeve politike, ndaj për këtë shkak iu mohua e drejta e punës për një kohë të gjatë. Ai arriti të shkruante skenarë me emra të rrejshëm, duke i fituar madje disa çmime, të cilat iu rikthyen, pas rënies së ashtuquajtur: lista e zezë e Holliwood-it.
Words (2012) e keni parë të gjithë besoj? Me Bradley Cooper në një ndër rolet më të mira të tij të realizuara në karrierë… (mbase! Kishte fatin të ndodhej në një kastë të zgjedhur aktorësh, ndër ta edhe Jeremy Irons… Është një sugjerim i mirë, po qe se nuk e keni parë.
Kur jemi te Irons, nuk mund ta harrojmë filmin Night Train to Lisbon (2013). Një film për të mos u lënë në harresë.
Çfarë tjetër mund të ju sugjerojmë? Po: The Post (2017) dhe Kill the Messenger (2014). Çka të themi për ta justifikuar sugjerimin? Te filmi i parë luajnë Meryl Streep dhe Tom Hanks. Kaq mjafton, besoj. Filmi tjetër (Kill the Messenger), është i bazuar në një histori të vërtetë. Nëse doni ta kuptoni rolin e një gazetari investigativ në një shoqëri, ky është i duhuri.
Midnight In Paris (2011), një tjetër film që për personazhe ka Hemingway-n, Scott dhe Zelda Fitzgerald, Federico Garcia Lorca-n, Salvadore Dalin etj. Një film i këndshëm, argëtues dhe me humor që i jep sharm dialogjeve. Më mirë të mos e shmangni nga lista.
Por s’mund t’i mos i përmendim edhe të mëposhtmit:
Barton Fink (1991);
Before Night Falls (2000);
Bright Star (2009);
Misery (1990);
Shakespeare In Love (1998);
Wonder Boys (2000);
Nightcrawler (2014);
Frost/Nixon (2008);
State of Play (2009)…
Mjafton kaq kësaj radhe, herën tjetër do t’ua sugjerojmë edhe një varg filmash të tjerë. Kanë mbetur shumë të tillë të mrekullueshëm jashtë listës, prandaj, mos na hiqni nga vëmendja./FolDrejt/
