Detajet e reja hedhin dritë mbi një motiv të mundshëm për herë të parë që kur Willard Miller dhe Jeremy Goodale u arrestuan dhe u akuzuan për vrasjen e mësueses së tyre 66-vjeçare Nohema Graber në qytetin e vogël të Fairfield më 2 nëntor 2021, transmeton Fol Drejt.
Miller ishte takuar me Graber në shkollën e mesme Fairfield, për të diskutuar notën e tij të dobët në pasditen e vrasjes, zbuluan hetuesit.
Më vonë atë ditë, mësuesja e çoi furgonin e saj në një park ku dihej se bënte shëtitje të përditshme pas shkollës, thanë autoritetet.
Trupi i viktimës ku shiheshin shenjat e rrahjes brutale, u gjet i fshehur afër parkut.
Hetuesit besojnë se Miller dhe Goodale, të cilët ishin të dy 16 vjeç në atë kohë, e rrahën për vdekje me shkop bejsbolli – për çka u mburrën edhe në mediat sociale.
Miller i tha policisë se ishte i frustruar me mënyrën se si Graber mësonte spanjisht dhe që ishte i zemëruar që notat e ulëta që ajo ia dha, po ia ulnin mesataren e përgjithshme.
Ata janë duke u gjykuar për vasjen e mësueses me paramendim, ndërsa rrjedha e procesit paralajmëron një dënim të ashpër për ta./FolDrejt/
