Çmimi Nobel për Mjekësi i është dhënë një çifti shkencëtarësh që zhvilluan teknologjinë që çoi në vaksinat mRNA Covid, shkruan BBC, transmeton Fol Drejt.
Profesorët Katalin Kariko dhe Drew Weissman do ta ndajnë këtë çmim sivjet.
Teknologjia ishte eksperimentale përpara pandemisë, por tani u është dhënë miliona njerëzve në mbarë botën për t’i mbrojtur ata nga Covid-19.
E njëjta teknologji mRNA tani po hulumtohet për sëmundje të tjera, përfshirë kancerin.
Komiteti i Çmimit Nobel tha: “Laureatët kontribuan në shkallën e paprecedentë të zhvillimit të vaksinave gjatë njërës prej periudhave më kërcënuese për shëndetin e njeriut, në kohët moderne”.
Laureatëve iu është dhënë sihariqi sot me mëngjes./FolDrejt/
