Ambasadori i Serbisë në Greqi Dushan S. Spasojeviq (Dušan S. Spasojević), ka vënë alarmin nga “rreziku” i një Shqipërie të Madhe, shkruan Fol Drejt.
Në llogarinë e tij në rrjetin social Twitter, ai ka thënë se krerët e Republikës së Kosovës Vjosa Osmani e Albin Kurti, kanë promovuar “Shqipërinë e Madhe”, ndërsa i referohet një fotoje të përbashkët të dy liderëve, ku ata shihen duke i mbajtur në duar disa punime artizanale me harta të trojeve shqiptare.
“Oportunistët dhe populistët nacionalistë “kryeministri” Albin Kurti dhe “presidentja” Viosa Osmani, po promovojnë planin meganacionalist të Shqipërisë së Madhe duke aneksuar pjesë të Serbisë dhe Greqisë.
Edhe sikur ujku të plaket, delja e tij nuk ndryshon” – ka shkruar Spasojeviq.
Οι καιροσκόποι και εθνικολαϊκιστές, ο «πρωθυπουργός» και η «πρόεδρος» του Κοσσυφοπεδίου, Άλμπιν Κούρτι και Βιόσα Οσμάνι, προωθούν το μεγαλοεθνικιστκό σχέδιο της Μεγάλης Αλβανίας προσαρτίζοντας τμήματα της Σερβίας και της Ελλάδας.
Ο λύκος κι αν εγέρασε δεν άλλαξ´ η προβιά του. pic.twitter.com/tmzxdo72uy— Dušan S. Spasojević (@DS_Spasojevic) December 14, 2022
Statusit të tij i janë referuar edhe mediat nga Beogradi, duke nxitur kësisoj urrejtjen ndaj shqiptarëve të Kosovës. Lajmi ka gjetur strehë në mediat e afërta me Vuçiqin. Pink.tv madje Kurtin dhe Osmanin i cilëson si “seperatistët shqiptarë”.
Ua kujtojmë se pjesa e veriut e Kosovës, ka mbetur gjysmë e paralizuar, pas barrikadave të vendosura nga grupet ekstreme serbe. Në opinionin publik kosovar mbizotëron ideja se, grupet kriminale po kontrollohen dhe dirigjohen nga vetë Vuçiqi. Ndërsa çdo veprim i krerëve politikë shqiptarë, konvertohet në propagandë në Beograd.
Ua kujtojmë se fotoja është shkrepur para dy vitesh, gjatë një vizite të përbashkët të Kryeministrit Kurti dhe Presidentes Osmani në Trepçë./FolDrejt/
