Miroslav Lajçak ka mbërritur në Prishtinë. Ai sapo ka filluar një takim me Kryeministrin e Republikës së Kosovës Albin Kurti, raporton Fol Drejt.
Përfaqësuesi special i Bashkimit Evropian për dialogun Kosovë-Serbi besohet se para takimit me Kurti ka zhvilluar një takim me zëvendëskryeministrin Besnik Bislimi.
Ndryshe nga Lajçak, vetë Kurti ka arritur në ndërtesën e Qeverisë disa minuta më vonë.
Besohet se ky takim vjen si rrjedhojë e takimeve të Ohrit dhe Brukselit ku pala kosovare u përball me atë serbe, ndërsa temë qendrore ishte çështja e Asociacionit të Komunave me Shumicë Serbe.
Sipas njohësve të zhvillimeve, jetësimi i marrëveshjes së Brukselit, përkatësisht Ohrit, do të varet nga modeli të cilin do ta pranojnë palët për Asociacionin. Ua kujtojmë që Kryeministri Kurti ka thënë se statuti i këtij mekanizmi politik, nuk duhet të jetë në kundërshtim me Kushtetutën e Republikës së Kosovës, andaj edhe e ka refuzuar versionin e fundit të prezantuar nga i ashtuquajturi Ekip Menaxhues./FolDrejt/
