Sipas CNN, Sidhu Moose Wala ose i njohur ndryshe si Shubhdeep Singh Sidhu, 28 vjeç, u dërgua në spital i plagosur rënd, pa gjasa të mëdha për jetë.
Kumti për vdekjen e tij u dha më pas. Wala s’ka pak kohë që i ishte futur rrugës së politikës, për ç’gjë dyshohet se ka lidhje edhe rasti i vrasjes së tij, transmeton Fol Drejt.
Autoritetet deklaruan se në vendngjarje janë gjetur 30 gëzhoja, të cilat i përkisnin tre armëve të ndryshme.
Sipas tyre ky sulm mund të jetë bërë nga një anëtar bande nga Kanadaja që dyshohet se mori përgjegjësinë për vdekjen e Moose Wala. Por grupet politike kanë fajësuar Partinë Aam Aadmi (AAP) në pushtet të Punjabit për lejimin e vrasjes.
Moose Wala u largua nga shtëpia e tij në një makinë me dy persona të tjerë rreth orës 16:30. Rreth një orë më vonë, dy vetura iu afruan automjetit nga përpara dhe hapën zjarr, ka deklaruar Bhawra.
Ai kishte rreth tetë milionë ndjekës në Instagram dhe videot muzikore kanë grumbulluar miliona shikime në YouTube.
Lidhur me lajmin për vdekjen e tij ka reaguar edhe reperi Drake duke shpërndarë një foto të tij në Instagram me mbishkrimin “RIP Moose”./FolDrejt/
