Nga një aksident i rëndë i cili ndodhi sot në orët e hershme të mëngjesit në magjistralen Podujevë – Prishtinë, dy persona kanë vdekur dhe dy të tjerë janë lënduar, transmeton Fol Drejt.
“Rreth orës 04:40 kemi pranuar informatën se në rrugën Prishtinë – Podujevë, ka ndodhur një aksident trafiku me pasoja fatale. Në këtë aksident kanë qenë të përfshira, një veturë (me targa të huaja) e cila ka qenë në lëvizje dhe një autobus. Si pasojë e aksidentit lëndime të rënda trupore kanë pësuar katër persona, dy prej tyre nuk kanë arritë të përballojnë plagët dhe të njëjtit kanë ndërruar jetë”, ka thënë Florie Ahmeti, zëdhënëse e Policisë për Rajonin e Prishtinës.
Ahmeti ka bërë me dije se viktimat janë një 35-vjeçare me inicialet M.S dhe një 36-vjeçar me inicialet Sh.S, derisa të lënduar kanë mbetur dy fëmijë.
Nga fotografitë e shkrepura nga dëshmitarët e rastit, shihet se si vetura me targa të huaja, ka goditur prapa autobusin, me ç’rast pjesa e përparme e saj është shkatërruar plotësisht./FolDrejt/
