Ajo u vra në një rrugë periferike, në Castelfiorentino (jo larg Firences ), duke u ekzekuar me tre plumba, sipas mediave italiane, shkruan Fol Drejt.
Kështu vdiq Klodiana Vefa, e qëlluar me armë zjarri rreth orës 20:00 në fshatin Puppino, pranë një klubi. Ndër hipotezat e para, është se ka qenë bashkëshorti i saj Alfred Vefa ai që ka qëlluar mbi 35-vjeçaren shqiptare. Ajo kishte leje të rregullt qëndrimi dhe ishte nënë e dy fëmijëve, një 17-vjeçari dhe një 14-vjeçari.
“Patrullat e policisë dhe karabinierëve kanë mbërritur në vendngjarje, të thirrura nga disa banorë dhe tani po kryejnë hetimet. Në vendngjarje ndodheshin edhe pjesëtarët e ndihmës së shpejt, të cilët u përpoqën më kot për të ringjallur gruan. Por situata ishte e dëshpëruar dhe zemra i pushoi së rrahuri pak qaste pas sulmit.
Shënimet e kërkimit u lëshuan për të gjitha komandat, me urdhra për të bllokuar të gjitha rrugët e mundshme të arratisjes. E gjithë Val d’Elsa është me njerëz, midis Poggibonsi (në provincën e Sienës) dhe Empoli. Jemi në kërkim të ish-it, i cili nuk jetonte më me të dhe me të cilin kishte nisur një fazë ndarjeje” – shkruan ilmessaggero./FolDrejt/
