Aktivisti Shkëlzen Gashi ka reaguar pasi anëtari i Vetëvendosjes Sadri Ramabaja, ka marr një grand për një portal, nga Qeveria e Republikës së Kosovës, shkruan Fol Drejt.
Sipas Gashit, projekti për të cilin ka marr grand Ramabaja është kot:
“zyra e kryeministrit të kosovës e paska financu një projekt kot, të një instituti krejt kot. për ma keq, financimi i këtij projekti qenka konflikt i pastër i flliqtë i interesit sepse personi që e ka fitu këtë projekt është anëtar i KP të LVV. njimend, vlera e projektit qenka 5-6 mijë euro, por kjo s’ka hiç randësi sepse këta ja nisin me pak e nëse na i lejojmë, vazhdojnë me shumë. TURP DHE MARRE” – ka shkruar Gashi.
Ramabaja ka fituar një grand prej 5-6 mijë eurove, pasi ka fituar “një tender për promovimin dhe mbrojtjen e të drejtave gjuhësore.”
Ramabaja e ka konfirmuar këtë edhe për gazetën Periskopi:
“”Po kështu më ka njoftuar sekretari, meqenëse shkresën s’e kam marr ende. Jo bre ajo është shumë e vogël, formale, diku 5-6 mijë euro. Për një projekt për të cilin kemi aplikuar, për diku 3 muaj, në të cilin pesë veta do të jenë të angazhuar.”
Mediat kanë shkruar edhe për të dhënat e mjegullta të “institutit” të tij./FolDrejt/
