Një ngjarje e rëndë ka ndodhur në Senegal, ku një spital është përfshirë nga zjarri, shkruan Fol Drejt.
Si rrjedhojë e këtij incidenti, 11 të porsalindur, kanë ndërruar jetë.
Macky Sall, president i Senegalit, konfirmoi tragjedinë duke thënë se ajo ka ndodhur në një spital në q
ytetin Tivaouane.
“Sapo mësova me dhimbje dhe shqetësim vdekjen e 11 të porsalindurve në zjarrin që shpërtheu në departamentin e neonatologjisë të spitalit Mame Abdou Aziz Sy Dabakh në Tivaouane. Për nënave dhe familjeve të tyre, u shpreh ngushëllimet më të thella”, shkroi Sall në llogarinë e tij në Twitter.
Sipas Mirror, spitali “Mame Abdou Aziz Sy Dabakh” ishte inauguruar së fundmi.
Tragjedia në Tivaouane vjen pas disa incidenteve të tjera në institucionet e shëndetit publik në Senegal, ku ka pabarazi të madhe mes zonave urbane dhe rurale në shërbimet e kujdesit shëndetësor.
Një incident i ngjashëm ndodhi në qytetin verior të Linguere në fund të prillit, kur një zjarr shpërtheu në një spital dhe katër foshnja të porsalindura u vranë.
Megjithatë, për rastin e fundit, shkaqet që çuan deri te aksidenti, ende nuk dihen./FolDrejt/
