51 vjeçja Wanda Palmer ka drejtuar gishtin ndaj vëllait të saj, duke e akuzuar për sulm të rëndë, për ç’gjë gati vdiq, shkruan Fol Drejt.
Sipas CNN ai e kishte sulmuar atë në rezidencën e saj pranë Cottageville, Virxhinia Perëndimore, në qershor 2020. Policia tha se Palmer ishte “sulmuar dhe u la për vdekje”, sipas një deklarate të postuar në Departamentin e Sherifit të Qarkut Jackson në Facebook.
Policia thotë se e gjeti Palmerin në një “pozicion të drejtë” në divanin e saj me lëndime të rënda të shkaktuara nga një mjet që dukej të ishte një latë ose sëpatë. Sherifi i kontesë Jackson, Ross Mellinger i tha CNN se kur policia mbërriti, ata menduan se ajo kishte vdekur, por më pas e kuptuan se ajo ishte ende gjallë dhe merrte frymë. Policia nuk e gjeti kurrë armën, tha Mellinger.
Një dëshmitar raportoi se kishte parë vëllain e Palmerit, Danielin, në verandën e saj rreth mesnatës një natë përpara se ajo të zbulohej, tha Mellinger. Nuk kishte të dhëna telefonike, pamje të kamerave të sigurisë ose dëshmitarë okularë jashtë shtëpisë së Palmerit, tha sherifi.
Policia hetoi disa persona, por nuk mundi kurrë të ngrinte akuza. Disa javë më parë, tha Mellinger, zyra e tij mori një telefonatë nga institucioni i kujdesit të Palmer duke thënë se ajo ishte në gjendje të fliste me autoritetet.
Palmer ishte në gjendje t’u përgjigjej vetëm pyetjeve po ose jo, por ia doli të jepte dëshmi të mjaftueshme për policinë për të arrestuar Danielin, tha Mellinger për CNN.
Daniel Palmer III, 55 vjeç, u arrestua dhe u akuzua për tentativë vrasje dhe plagosje, sipas të dhënave të arrestimit të siguruara nga CNN.
Ai u akuzua dhe u vlerësua me një garanci prej 500,000 dollarësh, sipas sherifit të kontesë Jackson.
Ndërkohë Wanda Palmer tani është e vetëdijshme, por e paaftë për të zhvilluar biseda të plota, tha sherifi i kontesë Jackson./FolDrejt/
