Kampioni aktual botëror, Franca, e ka siguruar biletën për në gjysmëfinale të Kampionatit Botëror “Katari 2022”. Franca mori fitore me rezultat 2-1 kundër Anglisë në çerekfinale, shkruan Fol Drejt.
Gëzim Olluri – Fol Drejt
Në pjesën e parë ishin francezët që zhbllokuan rezultatin me golin e Tchouamenit në minutën e 17-të. Me këtë gol u mbyll pjesa e parë. Në pjesën e dytë, anglezët u kundërpërgjigjën duke barazuar rezultatin përmes Harry Kane që e konkretizoi penalltinë në minutën e 54-të.
Në minutën e 78-të, Oliver Giroud realizoi golin e dytë për francezët. Gjashtë minuta më pas, më saktësisht në minutën e 84-të, sërish Harry Kane kishte rastin të barazonte rezultatin, mirëpo nuk arriti ta konkretizojë penalltinë.
Në gjysmëfinale, Franca do të përballet me Marokut, i cili është kualifikuar në gjysmëfinale për herë të parë në histori. Takimi do të zhvillohet më 14 dhjetor nga ora 20:00. /FolDrejt/
