Këtu një përdhunim, atje një vrasje, dhe shqiptarët po armatosen gjithmonë e më tepër kundër një lufte me Serbinë – theksojnë shumica e mediave serbe. Megjithatë, ja si është e vërteta e situatës së serbëve ne Kosovë, shkruan fillimisht prestigjiozja gjermane “Frankfurter Allgemeine Zeitung”.
Kur Europa proklamoi pavarësinë e shtetit më të ri në shkurt 2008, Kosova ishte nën vëzhgimin e plotë të ndërkombëtarëve. Edhe 11 vjet pas pavarësisë nga Serbia nuk është shmangur vëzhgimi ndërkombëtar. Arsyeja kryesore është zbatimi i planit të Mahti Ahtisarit, ish presidentit të Finlandës, i cili minoritetit serb i ka premtuar dhjetë ulëse nnga 120 në parlament, poashtu komunat me shumicë serbe në Kosovë do e rregullojnë vetë përditshmërinë (shkollat, kulturën, shëndetësinë dhe policinë).
Sipas prestigjiozes frankfurtase, një dekadë pas eksperimentit Ahtisaari, Kosova ka fituar përsëri vëmendje pasi presidentët e Serbisë dhe Kosovës, Aleksandar Vucic dhe Hashim Thaçi, kërkojnë të zgjidhin konfliktin e tejzgjatur me shkëmbimin e territoreve.
Megjithatë, si është në të vërtetë situata e serbëve në Kosovë? A funksionon mbrojtja e minoriteteve ose ajo është një fantazi?, përcjell foldrejt.com.
Po të ndjekësh mediat serbe të cilat thuajse të gjitha kontrollohen nga presidenti Aleksandër Vucic dhe partia e tij SNS, serbët në Kosovë ndodhen në një gjendje lufte. Por në fakt, situata e serbëve nuk është përmirësuar aq shumë, por as nuk është situata dramatike si gjatë kohës së Luftës ose trazirave të 2004.
Sipas analizës 70 faqesh që është publikuar nga Komiteti i Helsinkit të mërkurën, me titull – “Jeta e ngrirë në një konflitk të ngrirë” – bëhet e qartë se nuk bëhet fjalë për dhunë kundër serbëve dhe se diskriminimi kundër tyre është kryesisht te enklavat e pakta serbe në jug të shtetit.
Raporti thekson se serbët nuk do faleshin kurrë nga policia për ndonjë gjobë të merituar dhe se pensionet për çdo të moshuar prej 75 eurove shpesh shmanget nga administrata (shqiptare e Kosovës) ndaj pensionistëve serbë.
Por raporti dhe FAZ përmendin edhe disa serbë të Kosovës që për situatën e keqe të tyre përgjegjëse e bëjnë Beogradin, që detyron minoritetin serb në Kosovë për të mos u integruar në institucionet e Kosovës.
Për këtë Lista Serbe është shumë e fuqishme në veri të Kosovës, por kjo nuk vlen edhe për serbët në jug të Ibrit.
Shkrimi në fund përmbyllet me politikanen serbe të Kosovës, Rada Trajkovic, e cila është kritike ndaj Beogradit dhe se për këtë bën përgjegjëse korrupcionin si problemin më të madh të serbëve në Kosovë – dhe se në vend që Beogradi të ofrojë fjalime patetike, të gjejë zgjidhje./Foldrejt.com
