Thuajse secili prej nesh ka kaluar zonën Shengen, por edhe nëse nuk ka parë Europën ka takuar perëndimorët në vendlindjet e tyre. Shpesh interesohemi të dimë se si na njohin gjermanët ose francezët, se çfarë thonë ata për ne – dhe normalisht sipas filozofit Volter, më shumë një person gjykoje sipas pyetjeve që parashtron sesa sipas përgjigjeve.
Se çfarë mendojnë sot të huajt për shqiptarët, këtë më së mirë mund ta mësoni duke lexuar portalin e diasporës shqiptare foldrejt.com, që çdo ditë përkthen mediat gjermanofone dhe anglofone që lidhen me shqiptarët. Por se çfarë kanë menduar perëndimorët përpara 100 vitesh – këtë e sqaron më së miri eruditi shqiptar Mid’hat Frashëri në kujtimet e tija.
Në vijim “Foldrejt.com” ua sjell të plotë frazën e Mid’hat Frashërit, botuar te Vepra të zgjedhura 3.
“Nga njëqind njerëz të MËSUAR dhe të KËNDUAR që takoj në “Evropën” mbarë, vetëm pesë dinë ç’është Shqipëria dhe ata përgjysmë. Pothuajse të gjithë më pyesin nëse gjuha jonë është serbe, nëse kemi alfabetin turk, nëse jemi bashkë me Jugosllavinë, nëse e shkruajme gjuhën dhe nëse kemi një letërsi. Jam i sigurt se të gjithë, kur na shohin, thonë në mendjet e tyre: “Edhe ky një hajdut, një brigand do të jetë”.
Në botën e qytetëruar të drejtat tona më elementare dhe më themelore janë të panjohura dhe për një tog legjendash dhe përrallash gjejnë shesh të lirë,” do kujtonte alis Lumo Skëndo në 22 shtator 1922.
Si u duket ky përshkrim dhe a është i ngjashëm me perceptimin tuaj sot me të huajt?/Foldrejt.com
