Në 2011 filloi si Pranvera Arabe, kurse sot të gjithë flasin për Dimrin Arab, pasi solli shkatërrimin dhe vrasjen e shumë vendeve dhe banorëve arab respektivisht, në Siri, Jemen, Libi, Egjipt dhe më pak në Bahrejn, shkruan foldrejt.com.
Por në 2019 shfaqet një trend i ri. Kemi protesta masive qytetare në Sudan dhe Algjeri, ku liderët e këtyre shteteve – Bashir dhe Bouteflika – kanë abroguar nga pushteti. A rrezikohet një revolucion më i gjërë edhe në vendet tjera arabe, ngjashëm si në 2011?
Mediat perëndimore si “Der Spiegel” kanë analizuar këto protesta demokratike dhe me slogane për liri, duke aluduar edhe në frikën e zgjerimit të tyre në rajon.
“Liri, paqe dhe barazi!”, “Revolucioni është zgjidhja e popullit!” dhe “Zhduku!” janë disa nga sloganet e protestuesve në Khartum të Sudanit dhe Algjeri. Dhe në fakt, protestuesit në Sudan dhe Algjeri kanë arritur më shumë sesa shumë persona paramendonin përpara disa muajsh. Pas tridhjetë vitesh sundim të Omer Bashirit dhe Bouteflika, ata kanë dhënë dorëheqje.
Në këto kushte, duhet të përmendim edhe thënien e vjetër, se mes diktaturës dhe anarkisë, më mirë është të jetohet në diktaturë. Si shembull këtu mund të merren Siria, Iraku dhe Libia e dikurshme e ‘diktatorit’ Gadaf./Foldrejt.com
