Policia e Kosovës ka njoftuar se ka arrestuar një person të dyshuar për vjedhje të veturës në Fushë Kosovë, shkruan Fol Drejt.
“Sot nga njësite policore të stacionit të Fushë Kosovës, është arrestuar një person i dyshuar për vjedhje të veturës.
Rasti është raportuar me datën 06.05.2023, nga ankuesi të cilit në rrugën “Nëna Terezë” në Fushë Kosovë, i është vjedhur vetura.”, shkruan në raportin e policisë.
Në komunikatë u theksua se puna e hetuesve të stacionit policor të Fushë Kosovës është finalizuar sot, ku pas realizimit të disa veprimeve operative, kanë arrit që të identifikojnë dhe arrestojnë personin e dyshuar:
– E.K. mashkull, 53 vjeç, shtetas i Republikës së Kosovës (përsëritës i veprave rë natyrës së njëjtë).
“Nga hetuesit policor, në lagjen Emshir në Prishtinë, janë gjetë dhe sekuestruar vetura e vjedhur dhe tri palë targa (një palë targa vendore të cilat janë të raportuara të vjedhura dhe dy palë targa të huaja). Personi i dyshuar me vendim prokurorit të shtetit është dërguar në mbajtje, ndërkohë që pas përfundimit të procedurave të nevojshme vetura i është kthyer pronarit.”, u tha në vazhdim të njoftimit. /FolDrejt/
