Torres është njëri nga futbollistët nga i cili pritet më së shumti si në klubin e Barcelonës, ashtu edhe në botën e madhe të futbollit. Andaj, është normale që sytë e futbolldashësve janë të kthyer kah ai.
Ai ishte lojtari kryesor në ndeshjen kundër Napolit. Ai ishte shenjestra e shikuesve, kjo jo vetëm pse aishënoi gol, por edhe për shkak të fanellës së tij të pazakontë gjatë sfidës.
Në pjesën e dytë të ndeshjes, Torres u shfaq në fushë me një fanellë e cila nuk kishte as logon e klubit dhe as atë të sponsorit “Nike”. Ajo kishte vetëm emrin e sponsorit në pjesën e përparme, “Rakuten” dhe asgjë më shumë.
Përderisa pjesën e parë e kishte kaluar me një fanellë të zakontë si të gjithë lojtarët e tjerë blaugranas, pjesën e dytë e ka filluar me këtë fanellë të pazakontë. Arsyet ende nuk dihen se pse, madje nuk dihet edhe pse u lejua të luaj me atë fanellë./FolDrejt/