Gati 51,000 tenda u ngritën për të rrezikuarit nga tërmeti në Turqi

“Gjithashtu, numri i përgjithshëm i personelit të kërkim-shpëtimit në rajon i përbërë nga personel të AFAD, Xhandarmërisë, Ministrisë së Mbrojtjes, Brigadave të Zjarrfikësve, Ministrisë së Arsimit, OJQ-ve dhe vullnetarëve është 79,110. “Në zonën e prekur nga tërmetet janë dërguar edhe 5309 persona të ardhur në ndihmë nga vende të tjera”, thuhet në njoftim.

Në zonat e prekura janë dërguar gjithsej 5402 automjete – ekskavatorë, kamionë tërheqës, vinça, buldozerë, kamionë, kamionë uji, rimorkio dhe automjete të tjera.

“Gjithsej dhjetë anije – nëntë anije të Komandës së Forcave Detare dhe një anije të Komandës së Rojës Bregdetare, janë dërguar në rajon me qëllim transportin e personelit, materialeve dhe evakuimit”, njofton AFAD.

Në Turqi, të paktën 7,108 njerëz vdiqën dhe 40,910 u plagosën pas dy tërmeteve të forta që tronditën jugun e vendit dhe Sirinë fqinje të hënën, njoftoi Agjencia e Menaxhimit të Emergjencave (AFAD).

Si pasojë e tërmetit në Sirinë fqinje, të paktën 2530 persona humbën jetën dhe 4645 persona u plagosën.

Një tërmet me magnitudë 7.7 ballë të shkallës Rihter goditi Turqinë jugore herët në mëngjesin e së hënës. Epiqendra e tërmetit është regjistruar në rrethin Pazarchik në Kahramanmaras. Provincat e Gaziantep, Sanliurfa, Diyarbakir, Adana, Adiyaman, Malatya, Osmaniye, Hatay dhe Kilis janë prekur rëndë nga tërmeti.

Pas kësaj, një tërmet i ri me magnitudë 7.6 të shkallës Rihter goditi të hënën në orën 13:24 rrethin e Elbistanit, gjithashtu në provincën Kahramanmaras./FolDrejt/