Të paktën 28 palestinezë janë vrarë nga sulmet e avionëve izraelitë mbi Gaza dje dhe sot, teksa grupi militant palestinez Hamas ka lëshuar raketa në drejtim të jugut të Izraelit, pas disa ditë tensionesh e përleshjesh në Jeruzalem.
Ushtria izraelite rinisi bombardimet mbi Rripin e Gazës sot në mëngjes, duke goditur disa zona pas lëshimit të raketave nga zona. Nderkohe ne Gaza mbaheshin sot funeralet e te vrareve te nje dite me pare.
Të paktën dy njerëz janë vrarë sot nga sulmet, thanë autoritetet shëndetësore në Gaza, disa orë pasi 28 palestinezë, mes të cilëve 10 fëmijë, u vranë në sulmet e djeshme, raporton TCh.
Goditjet me raketa erdhën pasi Hamas, i cili qeveris në Gaza, dha një ultimatum që Izraeli të tërheqë forcat e sigurisë nga xhamia e Al-Aqsa në lindje të Jeruzalemit, pas disa ditë dhunë ndaj palestinezëve besimtarë në muajin e Ramazanit.
Më shumë se 700 palestinezë janë plagosur në Jeruzalem dje në territoret e tjera të pushtuara në Bregun Perëndimor, në 24 orët e fundit.
