Gazetari që transmetoi me tekst ndeshjen çerekfinale të Ligës së Kampionëve mes Manchester City dhe Bayern (3:0) për UEFA-n, u pushua nga puna pasi kishte shkruar: “Një qindarkë për mendimet e Julian Nagelsmann”.
Kështu pretendon Welt gjerman, duke shtuar se profesionisti i pavarur, pra ai që nuk është i punësuar përgjithmonë, ka dashur të bëjë shaka me Bayernin, përcjell Fol Drejt.
Drejtuesit e klubit bavarez kanë shkarkuar së fundmi trajnerin Julian Nagelsmann dhe më pas kanë sjellë Thomas Tuchel.
Pavarësisht ndryshimit të trajnerit, Bayern pësoi një humbje të rëndë në ndeshjen e parë në Etihad Stadium dhe do t’i duhet një mrekulli në kthim për të kaluar në gjysmëfinale. UEFA i kërkoi falje kampionit gjerman për dënimin me të cilin, sipas tyre, gazetari ofendoi Bayernin.
Kujtojmë se Bayerni u eliminua tronditës edhe në Kupën e Gjermanisë, ku u mposht nga Freiburg (1:2) në çerekfinale. Kjo do të thotë se skuadra e Tuchel mund të mbetet vetëm në garë për vendin e parë në Bundesligë këtë sezon. Pas 27 xhirove, Bayern ka 58 pikë, dy më shumë se Borussia Dortmund e vendit të dytë./FolDrejt/
