Çmimet e gazit natyror ranë sot pasi flukset përmes tubacionit gjermano-rus Nord Stream 1, i cili furnizon me gaz në Evropë, rifilluan pas një mbylljeje 10-ditore për punë mirëmbajtjeje.
Gazi rus filloi të rrjedhë në Gjermani me 30 për qind të kapacitetit të tubacionit midis orës 6 të mëngjesit dhe 7 të mëngjesit me orën lokale, raportoi Bloomberg, shkruan protothema, transmeton Fol Drejt.
Porositë tregojnë se do të operojë me flukse rreth 40% të kapacitetit për pjesën tjetër të ditës, pothuajse njësoj si përpara fillimit të operimeve.
Çmimi i kontratës holandeze të muajit të ardhshëm, një pikë referimi evropian, ra me 6.5% në hapje, ndërsa minuta pas orës 9 të mëngjesit me orën e Amsterdamit ra 4.2% në 148.50 euro për megavat orë./FolDrejt/
