Në Beograd ka nisur një fushatë kritikash ndaj presidentit Aleksandër Vuçiq, që prej muajsh, shkruan Fol Drejt.
Së fundi në një emision televiziv Vuçiq ka folur për rolin e tij në kohën kur ushtria serbe po e rrethonte Sarajevën, ndërsa më vonë do të kryente edhe gjenocid ndaj boshnjakëve civilë.
Sipas të përditshmes Danas, ai i ftuar në një emision televiziv, ai ka folur fillimisht për situatën e vështirë, që sipas tij, ndodhen serbët në Ballkan. Ai e ka përmendur me këtë kontekst, rastin e dy të rinjve serbë të cilët u plagosën nga një pjesëtar i FSK-së:
“Duhet të theksoj se djemtë ishin të kombësisë serbe. Ishin të armatosur me një lis… Pse e thashë këtë, vetëm për të theksuar se sa e vështirë është pozita e vendit tonë” – ka thënë ai ndër të tjera, duke shtuar se:
“…ishte interesante për mua që askush nga EULEX-i, amerikanët dhe OKB-ja nuk tha që fëmijët tanë u sulmuan, disa shqiptuan emrat e tyre, ose thanë “dy persona”, por askush nuk mund të konkludonte se kush ishte sulmuesi dhe nëse i kishte sulmuar. Ata janë fëmijë, përfshirë këtë njëzet vjeçar, ata ishin të armatosur me një pemë Krishtlindjesh. Janë qëlluar vetëm se janë serbë. Ju lutem, fatkeqësisht unë isha ai që e kundërshtova terrorin shqiptar.”
Vuçiq edhe njëherë ka kontestuar publikisht masakrën e Reçakut duke thënë se “ai është një krim i kontestuar”, ndërsa ka kritikuar komunitetin ndërkombëtar të cilët morën pjesë në përkujtim të kësaj masakre.
Më pas Vuçiq është pyetur për raportet me boshnjakët:
“Ata e duan Serbinë të poshtëruar dhe të gjunjëzuar, dhe në asnjë mënyrë tjetër. Kur Serbia filloi të ngrihet, thonë se Serbia po armatoset. Unë kurrë nuk kam thënë asgjë kundër boshnjakëve në dhjetë vitet e fundit” – është shprehur ai.
Por momentet kulminante të intervistën ndërlidhen me pjesën kur ai pyetet për pamjet mbi kodrën mbi Sarajevë gjatë rrethimit të qytetit në vitet e 90-ta. Ai me këtë rast ka lëshuar një gënjeshtër të pastër:
“Në fotomontazh në vend të ombrellës, më kanë vënë pushkë”.
Shumë prej lexuesve të Danasit e kanë cilësuar si gënjeshtër këtë deklaratë.
“Duhet t’i largojmë fëmijët nga ekranet televizive kur shfaqet ky. Ndryshe ata do të mendojnë se tiparet e këqija të njerëzve si ky, janë normale” – ka shkruar një komentues.
Vuçiq ka folur edhe për raportet e Serbisë me Rusinë. Kërkesa që perëndimi po ia bënë vazhdimisht për vënien e sanksioneve ndaj rusëve, sipas tij, edhe mund të jetësohet./FolDrjet/
