Sot Ministrja e Punëve të Jashtme Donika Gërvalla ka raportuar përpara Komisionit për Punë të Jashtme, e ndërkohë gjatë këtij raportimi fjala ka rënë edhe për ambasadorin e shumëpërfolur Martin Berishaj, shkruan Fol Drejt.
Ajo ka thënë se është vetëm një medium i cili ka lansuar informacione të pabaza ndaj tij dhe ato “përtypen e ripërtypen” edhe nga mediat e tjera.
Ajo është përplasur me Time Kadrijajn nga Aleanca për Ardhmërinë e Kosovës (AAK), të cilës i ka thënë se “keni zhvilluar fushata të papara ndaj një personaliteti” siç është Martin Berishaj dhe se “është mirë që nuk vendos ti nëse ai duhet të jetë aty ku është, por vendos dikush tjetër”.
Kadriaj e ka akuzuar Gërvallën për menaxhim të keq të këtij sektori, duke i thënë se i “ju i keni lënë konsullatat dhe ambasadat pa përfaqësim”, në kohën më kritike, kur Serbia e ka intensifikuar fushatën kundër Kosovës. Kadriaj ka theksuar edhe problemin e pagave të ambasadorëve, si dhe është ndalur edhe te rasti Berishaj.
Por Gërvalla ka thënë se do të shoh nëse “ju shumë mirë e dini se asnjë prej akuzave që ia bëni, nuk qëndrojnë, megjithatë vetëm vazhdoni në këtë mënyrë, sepse do të keni edhe më shumë kredibilitet në të ardhmen, se sa që e keni për këtë moment. Sa i përket dëmtimit të Kosovës në arenën ndërkombëtare, nuk është e vërtetë, Kosova sot qëndron kokëlartë, sepse Kosova i kryen detyrat e veta në shpi, Kosova nuk identifikohet me krim edhe korrupsion.”
Gërvalla në një mënyrë e ka prolonguar rastin e Berishajt, duke thënë se ai do të dal i pafajshëm, ndërsa “do të shoh nëse do të skuqen” ata që deri dje e ndihmonin fushatën kundër tij./FolDrejt/
