Gjashtë anije që transportonin 355,000 ton produkte bujqësore ukrainase u nisën nga portet e Detit të Zi të Ukrainës të enjten, më 5 janar, raporton Ukrinform, përcjell Fol Drejt.
“Iniciativa e grurit: gjashtë anije eksportuan 355,000 ton produkte bujqësore nga portet e rajonit të Odesa”, thuhet në raportin e shërbimi për shtyp të Ministrisë së Infrastrukturës së Ukrainës.
Në komunikatë thuhet se 13 anije po ngarkoheshin me 282,000 ton produkte bujqësore në portet e Odesa, Chornomorsk dhe Pivdennyi. Portet janë gati për të pritur gjashtë anije të tjera që po lëvizin përgjatë “korridorit të grurit”.
Rreth 102 anije janë në pritje të inspektimit në Bosfor.
Sipas raportit, pala ruse vazhdon të ngadalësojë inspektimet me çdo pretekst, duke kufizuar eksportin e produkteve bujqësore ukrainase në tregjet botërore.
Në total, që nga 1 gushti, 626 anije janë nisur nga portet e Detit të Zi të Ukrainës dhe kanë eksportuar 16.8 milionë ton ushqime ukrainase në vendet e Azisë, Evropës dhe Afrikës.
Në Stamboll më 17 nëntor, Ukraina, Kombet e Bashkuara dhe Turqia ranë dakord të zgjasin Iniciativën për Transportin e Sigurt të Drithërave dhe Produkteve Ushqimore nga portet e Ukrainës për 120 ditë të tjera. Nisma filloi më 22 korrik dhe anija e parë me ushqime ukrainase u largua nga porti i Odesës më 1 gusht. /FolDrejt/
