Policia holandeze ka bërë të ditur se eshtrat e një djali katërvjeçar belg, i cili u zhduk javën e kaluar janë gjetur në Holandë. Dean Verberckmoes u raportua i zhdukur nga familja e tij pasi kujdestarja e tij nuk arriti ta linte në shtëpinë e gjyshërve të tij.
Të hënën policia zbuloi trupin e tij në një ishull artificial në provincën Zeeland të Holandës.
Policia holandeze njoftoi se kishte arrestuar një belg 34 vjeçar raporton “BBC”.
U tha se burri, të cilin nuk e kanë identifikuar zyrtarisht u arrestua në qytetin holandez Meerkerk, afërsisht120 kilometra në verilindje të vendit ku u gjet trupi i pajetë. Mediat holandeze raportuan se Dean Verberckmoes kishte qëndruar me miqtë e familjes përpara se të raportohej i zhdukur. Policia tha se i dyshuari dhe djali u panë për herë të fundit të mërkurën në qytetin belg të Sint Niklaas, afër Antwerpen.
Zyrtarët në Holandë nisën një operacion të madh kërkimi pasi morën informacione se Verberckmoes mund të ishte në vend. Pas arrestimit të burrit, policia lëshoi një “alarm qelibar” dhe dërgoi një njoftim në rastet e rrëmbimit të fëmijëve me një përshkrim të fëmijës dhe një fotografi. Trupi i Verberckmoes u zbulua në Neeltje Jans në një ishull artificial në provincën Zeeland menjëherë më pas. / abcnews.al
