Shkruan: Korab Blakaj
Historia e njerëzimit dëshmon se kanë qenë dy institucione kryesore mbi të cilat janë ndërtuar shtetet e shëndosha: siguria,primatin e të cilës e ka pasur ushtria, dhe kultura, primatin e të cilës e ka pasur feja. Përandori kanë arritur të krijojnë ato shoqëri të cilat kanë bashkuar besimin me forcën.
Ushtria është ajo që ruan me fanatizëm një ndjenjë përgjegjësie, cilësi kjo e rrallë e njerëzve në këtë kohë kur është përhapur zakoni i papergjegjësisë. Ky zakon është përhapur nën ndikimin e keq të Parlamentit,i cili shërben si vetë modeli i papërgjegjshmërisë. Ushtria i mëson njerëzit të jenë të guximshëm, kur virtyti i ndrojtës kërcnon të kthehet në epidemi dhe kur shpirti për të sakrifikuar interesat përsonale për të mirën e komunitetit konsiderohet si cilësi e njerëzve me mendje të dobët.Në këtë kohë kur quhen të mençur vetëm ata që mbrojnë dhe nxisin interesat egoiste, ushtria është shkolla nëpër të cilën shqiptarët do të mësohen të mos e kërkojnë shpetimin e kombit nëpërmjet ideologjive të rreme të europianizimit e bashkim vllazërimit, por të fuqia dhe bashkimi i kombit të tyre.
Ushtria zhvillon fuqinë individuale të vendimmarrjës së patundur, në këtë kohë kur kombi ynë udhëhiqet nga shpirti i pavendosmërisë dhe skepticizmit.
Për të ndërtuar një formë të mrekullueshme qeverisjeje , thënë me terma modern një autoritet të shtetit duhet të kuptojmë se ky autoritet nuk mund të bazohet në llomotitjet e parlamentit, as të asambleve provinciale, as mbi ligjet, as mbi vendimet e gjykatave që përpiqen të friksojnë ata që kanë guxim, por vetëm mbi besimin e përgjithshëm që ngjall mes njerëzve administrimi dhe qeverisja e mirë.
Nga ana e tij, ky besim nuk është gjë tjetër veçse rezultat i një bindjeje të brendshme të patundur se qeveria dhe administrata e vendit frymëzohen nga ndershmëria dhe parimi se shpirti i ligjit qëndron në harmoni të plotë me bindjet morale dhe me besimin e popullit.
Dua të them,se koha i ka venë para përgjegjësisë historike prijësit tanë fetar, që të ndërtojnë njeriun që do të qeverisë ndershëm, pasionet e të cilit do ta zgjojnë nga letargjia kombin tonë të vuajtur.
Në vrojtimet e thella dhe studimet e klasifikuara të rezultateve negative të luftës hibride që na është bërë deri me tani, del se më të dështuarit nga ne janë Gjeneralët e ushtrisë, dhe prijësit fetar.
Të parët kanë renë pre e kurthit të quajtur Parlament, përmes të cilit forcat e errëta, duke i ulur në banken e deputetëve , e kanë diskredituar në sytë e popullit deri në pafundësi figurën e Ushtarakut Fisnik.Armë kjo e provuar tek kombet tjera, për të zbehur dëshirën e shërbimit, për të shkatërruar forcën e ushtrisë apo sabotuar ndërtimin e saj.
Të dytët, duhët t‘i falenderojmë që nuk i janë drejtuar bankave të parlamentit, sepse do të goditej jashtëzakonisht feja, por ama kanë renë pre e kurthit të inferencës dhe refuzimit apo moskonsiderimit të shtetit si shteti i tyre.
Gjeneralët tashmë janë vonë.Ushtria jonë do të vuaj derisa të përgadis kuadrin e duhur, por hoxhallarët janë ënde në kohë.Këta duhët ta kombtarizojnë Islamin, për t‘i dhënë shpirt qeverisjes së mirë, autoritetit të shtetit, fuqizimit të ushtrisë.Një shtet me autoritet, shoqëruar me qeverisje të mirë, dhe e mbrojtur me ushtrinë e fuqishme janë garanca e interesave dhe vazhdimësisë sonë!
