Në kohën kur zyra të ndryshme shqiptare (ballkanike) po u japin informacione qytetarëve të tyre sesi të emigrojnë si punëtorë drejt Gjermanisë (Europës), agjensione të ndryshme turistike gjermane (europiane) po kryejnë udhëtime të organizuara për vizita shumëditore në vendet shqiptare (ballkanike).
Në numrin e fundit të të përditshmes konservatore gjermane Die Welt, pasi tregohet vendet e paeksploruara të bregdetit shqiptar dhe alpeve të thepisura, si dhe bukurive historike e tradicionale të Malit të Zi, më tutje tregohet edhe faqet në të cilat secili gjerman mund të rezervojë për një udhëtim mbresëlënës në këto toka të mrekullueshme për nga natyra që të ofrojnë.
“Shumë agjensione turistike kanë në program Malin e Zi dhe Shqipërinë – ata ofrojnë krahas detit edhe bujtje nëpër vendet ku mund të ngjitni malet. FTI Touristik jep oferta të ndryshme deri në 876 euro. Faqja Berge-meer.de, të ofron udhëtime shtatëditore me çmime nga 799 Euro. Faqja dertour.de me çmime prej 1090 Euro të ofron udhëtime në të gjitha pjesët më të rëndësishme të Malit të Zi, kurse studiosus.com ka një uhdëtim të kombinuar mes Shqipërisë dhe Malit të Zi, plot 12 ditë për 2095 euro.
Pra kur shqiptarët degdisen drejt rrugëve shpesh padinjitet të gjermanëve të ftohur, këta të fundit gjejnë mikpritjen e ngrohtë te Malësia e Madhe./Foldrejt.com
