Një shtetas gjerman i cili punonte për shërbimin e inteligjencës së jashtme të vendit u arrestua të mërkurën me akuzën e spiunimit për Rusinë, sipas zyrës së Prokurorit të Përgjithshëm Federal Gjerman, njofton CNN, transmeton Fol Drejt.
“I pandehuri dyshohet urgjentisht për tradhti,” tha një njoftim për shtyp nga Prokurori i Përgjithshëm gjerman për të pandehurin, me emrin Carsten L.
I pandehuri, i cili është i punësuar në Shërbimin Federal të Inteligjencës (BND), u akuzua në urdhër-arrestin me këto fakte: “Në vitin 2022, ai i transmetoi një shërbimi të inteligjencës ruse informacionin që kishte marrë gjatë veprimtarisë së tij profesionale. Përmbajtja është sekret shtetëror sipas nenit 93 të Kodit Penal”, thuhet në njoftim.
Nuk ishte menjëherë e qartë nëse ai ishte emëruar avokat. CNN ka kërkuar përgjigje për këtë çështje nga zyra e Prokurorit të Përgjithshëm Gjerman./FolDrejt/
