Qeveria gjermane njoftoi më 20 korrik se i dorëzoi Ukrainës 10 tanket e saj të para Leopard 1A5, si dhe ndihma të tjera ushtarake, shkruan Kyiv Independent, transmeton Fol Drejt.
Paketa përfshin më tej 20 mitralozë MG3 për automjete të blinduara, mbi 1,000 fishekë artilerie 155 mm, më shumë se 2,000 municion tymi 155 mm, një sistem urë të ri dhe 12 rimorkio shoqëruese.
Berlini ka dorëzuar gjithashtu katër automjete për mbrojtjen e kufirit, 10 radarë të mbikëqyrjes tokësore, 16 kamionë Zetros, 100,000 kuti të ndihmës së parë dhe 80 drone zbulimi RQ-35 HEIDRUN.
Në shkurt, qeveria gjermane njoftoi se në bashkëpunim me partnerët ndërkombëtarë, Ukraina do të marrë të paktën 100 tanke Leopard 1.
Ministri gjerman i Mbrojtjes Boris Pistorius tha më 4 korrik se dhjetëra nga këto automjete, të ofruara nga Gjermania dhe Danimarka, do të dorëzohen “në javët e ardhshme”.
