Komisioni i Buxhetit i Bundestagut gjerman miratoi të mërkurën propozimin e qeverisë për të ndarë 12 miliardë euro shtesë ndihmë ushtarake për Ukrainën, raporton Ukrinform, përcjell Fol Drejt.
Ministritë e mbrojtjes dhe të punëve të jashtme këmbëngulën në rritjen e vëllimit të ndihmës.
Financimi shtesë përfshin një alokim prej 3.24 miliardë euro përpara fundit të vitit 2023, si dhe hapjen e një linje kredie për periudhën midis 2024 dhe 2032 me vlerë rreth 8.82 miliardë euro.
“Ukraina mund t’i përdorë paratë për të blerë armë drejtpërdrejt me mbështetjen e qeverisë federale,” shpjeguan anëtarët e komitetit të buxhetit Andreas Schwartz, Sebastian Schäfer dhe Carsten Klein – të gjithë anëtarë të koalicionit qeverisës.
Që nga pushtimi rus, qeveria gjermane ka ndarë më shumë se 14.2 miliardë euro për të mbështetur Ukrainën, sipas Bundestagut. Në veçanti, rreth 3 milionë euro shkuan për blerjen e armëve për Forcat e Armatosura të Ukrainës.
Gjermania është aktualisht furnizuesi kryesor i armëve për Ukrainën nga vendet e BE-së. /FolDrejt/
