Gjermania nuk po shqyrton mundësinë e transferimit të avionëve luftarakë në Ukrainë. Këtë e tha zëvendës zëdhënësja e qeverisë federale, Kristine Hoffmann, e cila foli në një konferencë të premten, raporton Ukrinform, përcjell Fol Drejt.
“Nuk po flasim për avionë luftarakë – ky është qëndrimi i qartë i kancelarit”, tha zëdhënësja, duke iu referuar fjalimit të fundit të Olaf Scholz në Bundestag.
Në të njëjtën kohë, ajo nuk e mohoi se negociata të tilla po vazhdojnë mes aleatëve.
Hoffmann kujtoi gjithashtu fjalët e kancelarit dhe qëndrimin e Berlinit se “Gjermania dhe NATO nuk janë palë në luftën që Rusia ka nisur kundër Ukrainës”.
Ajo gjithashtu vuri në dukje se Berlini beson se momenti kur të përfundojë lufta do të përcaktohet në Kiev, jo nga partnerët e huaj.
“Nëse ata (ukrainasit) besojnë se duan të fillojnë negociatat, se lufta ka mbaruar, ky nuk do të jetë një vendim që duhet të marrim ne,” theksoi Hoffmann.
Siç është raportuar, pala ukrainase beson se hapi tjetër i ndihmës perëndimore për Ukrainën duhet të jenë avionët luftarakë. /FolDrejt/
