Numri i të huajve jashtë Bashkimit Europian që kanë ardhur në Gjermani është shtuar ndjeshëm vitin e kaluar. Sipas statistikave zyrtare të qeverisë gjermane në fund të 2018 kishin ardhur 266.000 persona nga vendet e treta për të punuar në Gjermani. Në fund të 2017 kjo shifër ishte 217.000, shkruan kulturorja gjermane Die Zeit.
Të huajt me numrin më të madh që kanë aplikuar për punë në Gjermani janë nga India (12 përqind), Kina (9 përqind), Bosnja dhe Hercegovina (tetë përqind) dhe SHBA-ja (7 përqind).
Rritja të madhe të punëtorëve të huaj ka nga gjashtë shtetet e Ballkanit Perëndimor. Në kohën kur në 2015 vetëm nëntë përqind e të huajve vinin nga Ballkani Perëndimor, në 2018 çereku (25 përqind) i punëtorëve të huaj ishin nga ky rajon, përcjell foldrejt.com. Rritja e numrit të të ardhurve nga Ballkani Perëndimor është kryesisht për shkak të lehtësimit të marrjes së vizave të punës prej 2016.
Duke u bazuar edhe nga mediat tjera gjermane si Die Welt, vetëm nga Shqipëria, Kosova dhe Maqedonia janë larguar plot 25-30 mijë të rinj. Një fatkeqësi vërtet kombëtare, po të kishim politikanë që i shërbejnë popullit.
Mbi 10 milion të huaj në Gjermani
Nëse llogaritet numri i të gjithë të huajve në Gjermani, atëherë kjo është 10.9 milion – ose persona që jetojnë dhe punojnë në Gjermani, por kanë pasaportë të ndonjë vendi tjetër. Në krahasim nga viti i kaluar kjo është rritur për 2.7 përqind./Foldrejt.com
