Sipas raportit 24 orësh të Policisë së Kosovës, një përleshje e ashpër ka ndodhur dje pasdite në Gjilan, ku si rrjedhojë kanë pësuar lëndime 4 viktima, shkruan Fol Drejt.
“Gjilan 13.08.2022-16:17. Janë arrestuar tre të dyshuar meshkuj kosovar pasi që të njëjtit pas një mosmarrëveshje rreth punimeve të një rruge kanë sulmuar fizikisht me mjete të forta katër viktimat tri femra dhe një mashkull kosovarë” – thuhet ndër të tjera në raportin 24 orësh.
Po bëhet e ditur se viktimat kanë pranuar tretman mjekësor, ndërsa pas intervistimit me vendim të prokurorit dy të dyshuarit janë dërguar në mbajtje ndërsa njëri është liruar në procedurë të rregullt./FolDrejt/
