Policia ka bërë të ditur se ditën e diel, një person pas një mosmarrëveshje që kishte pasur me një tjetër, kishte shtënë disa herë me armë dhe më pas ishte larguar nga vendi i ngjarjes.
Sipas raportit 24-orësh të policisë, në vendin e ngjarjes janë sekuestruar tri gëzhoja të plumbave.
PK-ja s’ka njoftuar për ndonjë të arrestuar ende.
“SHKAKTIM I RREZIKUT TË PËRGJITHSHËM & ARMËMBAJTJE PA LEJE & PËRDORIM I ARMËS & SULM -Prishtinë 05.11.2023 – 22:27 Është raportuar se i dyshuari mashkull kosovar pas një mosmarrëveshje që kishte pasur me viktimën mashkull kosovar kishte shtënë disa herë me armë dhe më pas ishte larguar nga vendi i ngjarjes. Njësitë relevante policore kanë dalë në vendin e ngjarjes ku kanë gjetur dhe sekuestruar tre gëzhoja të fishekëve të kalibrit të panjohur. Lidhur me rastin është njoftuar prokurori, rastin vazhdon të hetohet”, thuhet në njoftim.
