Ambasadori i Serbisë në Uashington Marko Gjuriq ka thënë se Kryeministri i Republikës së Kosovës Albin Kurti, nuk pret që të ndryshojë në vitin 2023, shkruan Fol Drejt.
Sipas Gjuriqit, “lëvizjet” e Kurtit po i dëmtojnë mundësitë e rajonit. Në një intervistë për Novostin, ai ka thënë se veprimet e qeverisë së Kosovës reflektojnë “pamaturi, padrejtësi dhe brutalitet”.
Ai ka folur edhe për çështjen e barrikadave, ndërsa është shprehur se “nuk do të ketë ndjekje penale” për serbët pjesëmarrës dhe se këtë garanci e kanë siguruar nga ShBA-të dhe BE.
Ai është pyetur edhe për asociacionin e komunave serbe, më konkretisht, nëse kjo çështje do të bëhet pjesë e planit Franko-Gjerman, për ç’gjë është shprehur optimist:
“Populli serb në Kosovë ka dy kërkesa kryesore politike: një – kthim në situatën para shkurtit 2022 dhe fillimi i formimit të asociacionit. Serbia i mbështet fuqishëm këto kërkesa,” ka thënë Gjuriq./FolDrejt/
