Një “gjykatë e popullit” ka vënë në gjyq Vladimir Putin për krimin e agresionit për pushtimin e tij në Ukrainë, njofton Sky News, transmeton Fol Drejt.
Është një lëvizje simbolike për të mbyllur një “boshllëk llogaridhënieje” në mungesë të një gjykate ndërkombëtare me juridiksion.
Gjykata nuk ka kompetenca ligjore, por prokurorët thonë se do të paraqesin prova se presidenti rus kreu krimin e agresionit duke urdhëruar pushtimin gati një vit më parë.
“Ky është një krim që i përket analeve të turpit. Është një krim që kërkon përgjegjësi,” tha Drew White, një avokat kanadez që vepron si një nga prokurorët e gjykatës.
Ndërsa Gjykata Ndërkombëtare Penale ka hapur një hetim për krimet e kryera në Ukrainë, ajo nuk ka juridiksion për të ndjekur penalisht liderët e Rusisë për agresion.
Megjithatë, presioni ndërkombëtar është në rritje për krijimin e një gjykate speciale për të ndjekur penalisht krimin.
Legjislatura e Bashkimit Evropian miratoi një rezolutë jodetyruese në janar duke i bërë thirrje bllokut 27-vendesh që të punojnë në bashkëpunim të ngushtë me Ukrainën për të krijuar një të tillë.
Holanda, shtëpia e disa gjykatave ndërkombëtare, ka ofruar ta presë atë./FolDrejt/
