Gjykata Kushtetuese e Malit të Zi ka anuluar sot njëzëri ndryshimet në Ligjin për Presidentin e Republikës, me të cilat kompetencat e tij ia kaluan Kuvendit dhe të cilat u votuan nga shumica e deputetëve vitin e kaluar, raporton Danas, përcjell Fol Drejt.
Komisioni i Venecias i Këshillit të Evropës më pas u rekomandoi deputetëve që të mos miratojnë ato ndryshime në ligj.
Megjithatë, shumica parlamentare votoi për këto ndryshime të diskutueshme, pasi presidenti i atëhershëm i Malit të Zi, Milo Gjukanoviq, nuk i dha mandat deputetit dhe ish-diplomatit Miodrag Lekiq për të formuar qeverinë.
Sot, Gjykata Kushtetuese nuk ka vendosur nëse Gjukanoviq ka shkelur Kushtetutën, pasi siç është bërë e ditur, propozimi i gjyqtarit raportues nuk ka marrë shumicën e parashikuar për vendimmarrje për arsye formale. /FolDrejt/
