Gjykatësja e Gjykatës Themelore “Shkupi 2” , Suzana Donçevska, ka shkarkuar të parin e muslimanëve në Republikën e Maqedonisë së Veriut. Është kontestuese prej në start, sesi një gjykatëse me emër ortodoks, mer vendim për të parin e muslimanëve dhe kapaku vendoset kur dihet dhe as nuk e teprojmë kur themi se drejtësia në Shkup vendoset nga partitë qeveritare, shkruan foldrejt.com.
Dihet se BFI ka plot të meta në udhëheqje, por metoda për t’i zgjidhur këto çështje me puç është më e rrezikshme.
Kush është gjykatësja Donçevska, që luan me shpirtin e muslimanëve?
Themi kështu, pasi reisi me Kushtetutë zgjidhet nga myftinitë e qyteteve të Maqedonisë së Veriut dhe askush tjetër nuk mund të ndërhyjë nga shteti.
Gjithsesi, ky nuk është vendimi i parë kontestues i Donçevskas. Ajo para pak ditësh tha vendim që Televizioni “1” duhet të dëmshpërblehet me 100 mijë euro ndërsa obligoi Komisionin Shtetëror të Zgjedhjeve që të publikojë çmimoren e televizionit. Për këtë skandal të paparë që njollos procesin zgjedhor, Asociacioni Maqedonas i Mediave ku bëjnë pjesë televizionet kombëtare Alfa, Alsat, Kanal 5, Telma dhe Sitel, dorëzoi parashtresa pranë OSBE-së, Këshillit Gjyqësor, Komisionit anti-korrupsion dhe Komisionit Shtetëror Zgjedhor me të cilat shpreh habi nga vendimi i Gjykatës Themelore 2 dhe gjykatësja Suzana Donçevska e cila më 12 prill mori vendim joligjor që televizioni “1” të dëmshpërblehet me 100 mijë euro për një kërkesë jo-ekzistuese për program të paguar politik.
Kurse në tetor 2018 po kjo gjykatëse nuk e dënoi shfaqjen e filmit kontrovers “Tallje me Krishtin”, i cili e paraqet UÇK-në si organizatë terroriste dhe ushtarët e saj si vrasës dhe përdhunues të civilëve maqedonas. Bile gjykatësja, Suzana Donçevska, vendosi që shpenzimet gjyqësore t’i shlyejë Ministria e Kulturës.
Atëkohë vetë ministri i kulturës, Asaf Ademi, e cilësoi filmin si tendencioz dhe tha se skenarë të tillë, dëmtojnë bashkëjetesën.
Tashmë kemi një pasqyrë të qartë se kush është Donçevska, por kush qëndron pas saj në vendime?/Foldrejt.com
