Të paktën gjysma e popullatës daneze mbështet propozimin e fundit të qeverisë që synon ta bëjë djegien e Kuranit një akt të paligjshëm, shkruan AA, transmeton Fol Drejt.
Në një sondazh të realizuar së fundmi nga Voxmeter në emër të Ritzau, ku 1.000 persona u pyetën nëse dëshironin që ndryshimi i propozuar i ligjit të miratohej.
Sipas rezultateve të sondazhit, rreth 50,2 për qind u përgjigjën “po”, 35 për qind thanë “jo, ndërsa 14,8 thanë se nuk e dinë.
Sondazhi është ndër të parët që vlerëson opinionin publik mbi çështjen përkatëse që kur qeveria njoftoi se do të ndalonte djegien e Kuranit në publik.
Qeveria do të paraqesë një projekt-ligj që do të “ndalojë trajtimin e papërshtatshëm të objekteve me rëndësi të rëndësishme fetare për një komunitet fetar”, tha javën e kaluar Ministri i Drejtësisë i Danimarkës, Peter Hummelgaard. Ligji i ri do të përfshihet në kapitullin 12 të kodit penal të Danimarkës, i cili bën pjesë në mandatin e sigurisë kombëtare.
“Ne nuk mund të vazhdojmë të qëndrojmë me duart e lidhura ndërkohë që disa individë bëjnë gjithçka që munden për të provokuar reagime të dhunshme”, tha ai.
